FRAG DEN MOA-BAUERN


 

 

Viel Zeit hat er nicht, der Moa-Bauer. Und ein sonniges Gemüt sucht man bei ihm auch vergebens.

 

 

Aber nichts desto trotz - er nimmt sich Zeit für Euch und Eure Fragen.

 

 

Ihr möchtet mehr über den Moa erfahren?

Ihr braucht kluge Ratschläge rund um Haus, Hof und Feld?

Wir haben den Moa gefragt - er würde sogar "Häuslern" antworten!!!

 

 

 

Los geht's  - die Fragerunde ist eröffnet!


Kommentare: 9
  • #9

    Da Moa (Mittwoch, 30 September 2020 06:22)

    Also wirklich Linal - wia kannst Du nur sowas behaupten.. da host wohl den falschen Moa dawischt?

    Wenn mei Oide ähm Weib ähm Ehedings sagt, dass i do krank im Bett glegen bin, dann is des aa aso.

    Als tief anständiger, gläubiger und herzensguada Mann würde i sowas a nie mocha.

    I hoff, es war ned zu schlimm für dich, als de unser Großknecht der Dammerl vom Hof gschmissn hod... sowas bassiert hoid...

    nix für unguad
    da Moa

  • #8

    D Moa-Bäurin (Mittwoch, 09 September 2020 21:03)

    So Linal, du kannst de scha untersteh dass d mit dem Xare sein Loatawagal zu uns as Suizbochtal kimmst. Aber do bist schneller wieder draussd wiasd gnedda song kannst.
    I warad d Muadda vo mein Mo... iatz wirds ja hin höher wia vorn. Und dass du an Moa droffa host des ned sei. Do kannt ja a jede daher kemma.

  • #7

    s´Linal (Montag, 07 September 2020 12:29)

    Aiso iatz wirds ja hint höher wia vorn.. I los mi doch vo dir ned hernamen!!

    Und ob i am Saumarkt den Moa droffa hob -- i hob eahm doch auf dem Buidl obn glei erkannt. So a weißkopfada, a weng hinga duad er -- als ersts hob i gmoant der is saubats oid für mi - oba schmatzn hod der kinna.. und so vui schene Sachn hod er gsagt zu mir.

    Sei Mutter -hod er gsogt- moant, dass er mit na Gripp im Bett liegt. Oba er hod se heimlich davogmacht - zum Saumarkt. Des hod mi so gfreid - sunst hätt i den feschn Mann nia kenna glernt.

    I glaub ja sowieso Bäuerin, dass du -wenn überhaubst- sei Mutter bist. I hob meine Sachen scho baggt. Übermorgen nimmt mi da Xare auf sein Loatawong mid ins Sulzbachtal. Derfts scho moi a Kammer für mi herrichtn.

    Moa - falls du des liest - nimma lang, dann samma endlich beianand!

    s´Linal

  • #6

    D Moa-Bäurin (Sonntag, 06 September 2020 22:08)

    Soso, s Linal bist du oiso.... und zum Moa aufn Hof mechst ziang?... und a Kind griagst a no davo?....
    Do moane werd da da Schnabe sauber bleim du dumms Dirndl. Weil do gibts nämle scha a Bäuerin am Hof, ...und zwar mi.
    Und grod dassd as woasst... mei Oida is heia goa ned an Saumarkt gwenn, weil a do mid an sauban Kartharr an Bett gleng is. Und dass bei so an Kartharr bei an Mo fast zum sterben is brauch i da wahrscheinle ned song.
    Do moan i hod de z Eggenfelden ebba sauba brazzld. Und iaz sog amoi... Bist denn du ned na bläda?? Am Saumarkt mid an wuidfremden Mo midgeh?! Wohi, wo koi Leid ned sand!! Wia naiv bist denn überhaupt?

  • #5

    s´Linal (Freitag, 04 September 2020 06:31)

    Griaß di Moa!

    Du erkennst me sicher glei.. Mir hamma uns in Eggenfelden im Saumarkt kenna glernt. Du hast gsogt, dass du oagschichtig bist und mi auf an Kiachen eiglodn... dann samma no wo hin ganga, wo koi Leid ned waren.

    I wollt dir nur sagen - i bin grod groß schwanger. Unser Kind wird in de nächsten Wochen kema. Da du ja oagschichtig bist, könnt i ja davor no zu dir aufn Hof ziang oder? I gfrei mi scho auf unser gloans Zwackal...

    In Liebe
    dei Linal

  • #4

    Da Moa (Dienstag, 02 Juni 2020 12:32)

    Na - do schnackelt nixe, Katzndings.
    Aber wia denn a, wenn Du nix hast - da kann i die wohl schlecht dakenna.

    Wenn´s bei dir anders umme is, dann vogeht da Dowa?
    Host du ebba alles beim Kartenspiel verloren? Dann kann i dir glei sagen - mit solche Leid möcht i nix zu tun haben!

    Und mit da Liab kann i dir an Spruch von meiner Omam sagn: "De Liab, die wird mal so gloa, dass´s in a Streichholz-Schachterl passt". Und wos soll i sagen - recht hat´s ghabt. Als Junger wollt i jemand ganz anderes heiraten - aber meine Leid und mei Omam haben mich ned lassen. Gott sei Dank -sag i da im Nahhinein. Des is jetzt aber ganz a andere Gschicht...

    Was wolltest Du jetzt eigentlich vo mir? Oben habens gschrieben, dass i sogar de Haisla zruck schreiben muss. Ganz recht is mir des ned - kann aber schlecht aus...

  • #3

    Katzlhauser Hans (Montag, 01 Juni 2020 22:54)

    Ja liaba Moa-Baua - wia immer zähln bei dir nur de Dowa.
    Gemäß dem Motto "De Liab vogeht - Dowa besteht"
    Do kann i dir nur song, bei mir is des genau anders umme... na schnackelts..?
    Kennst mi jetzt?

  • #2

    Da Moa (Samstag, 23 Mai 2020 12:58)

    Griaß di Katzlhauser!
    Kenn ma mia uns zufällig? Weil i kenn di ned. Wahrscheinlich, weilst ned KatzlBAUER sondern KatzlHAUSER heißt. Wärst a gscheida Bauer, würd ma uns natürlich alloa scho zwecks de Dowa kennen.
    Wahrscheinlich bist aber eher so a Fretter vo Haisler?
    I hob a so an Haisler als Nachbarn. Lenz hoaßt der. Ein lästiges Wimmerl sag ich dir. Der hod ned viel – nur oa Kuh und drei Antn, de mir jeden Dog meinen Dent dascheißn.
    Also Katzlhauser – bevor ma weiterreden – wer bist du und wos host du?

  • #1

    Katzlhauser Hans (Freitag, 22 Mai 2020 22:04)

    I bins - da Katzlhauser Hans - und i mechat vo dir eigentlich grod oans wissn...
    warum kimt jetzt der Dampf heuer wirlich ned ? Do steckt doch bestimmt wieder
    irgend a "Bazigschäft" von dir dahinter.... des warad ja ned des erste Moi bei dir.

Kontakt

          Ausdrogsbeng Furth e.V.

 

ausdrogsbeng.furth@web.de